Reno kthehet në Francë

Prodhuesi francez i automobilave RENO do të kthej një pjesë të prodhimtarisë serike në Francë. Nga vendimi i këtillë janë të goditur repartet prodhuese në Slloveni, prej ku prodhimtaria e një serie të tërë do të bartet në para-lagjet e Parisit. Sipas informatave të agjencisë së lajmeve FRANS PRES, bëhet fjalë për modelin RENO KLIO DY i cili në të ardhmen do të prodhohet në fabrikën Flins. Atje do të hapen 400 vende të reja pune. Aktualisht, nga RENO-ja muajin e kaluar ankoheshin për rënien e madhe të fitimit, kurse shitja në Evropë ra për më shumë se shtatë për qind. Qeveria franceze pastaj ndau një ndihmë prej 3 miliardë eurosh për prodhuesit e vet të automobilave, por kërkonte si kompensim që kompanitë t’i mbajnë vendet e punës dhe repartet në Francë.