Fratini: KFOR-i në Kosovë, aq sa të jetë i nevojshëm

Ministri i jashtëm italian Franko Fratini ka deklaruar se KFOR-i do të mbetet në Kosovë për sa kohë të jetë i nevojshëm. Ai ka kritikuar Spanjën për vendimin e saj për t’i tërhequr trupat spanjolle nga Kosova. Në një intervistë për gazetën spanjolle ABC Fratini është shprehur se fatkeqësisht, Madridi e ka marrë një vendim të tillë, ndërsa shpreh keqardhjen për këtë veprim. Sipas tij ende nuk është momenti për tërheqje nga Kosova. Fratini thekson se do të ishte me rëndësi që veprimi i ndërmarrë nga Spanja të diskutohej më parë.