Mark Bregu

****


Të gjithë islamët falen te “Meka”...
...n’Teheran... “falet” Baleta!...
O Baletë a të vjen “zani”
Mos na i shit “thanat” për “dardha”.
S’prodhon hitha Vatikani
Atje gjen veç “lule t’bardha”
Ato hitha që aq shumë t’kanë djegë
Ca të mëdhaja, ca të vogla
Jo, (nga jashtë si kemi sjellë)
Ato janë Made in “Shkodra”.
Na vjen keq që nuk e dini
Atë e dijnë të gjithë “dynjaja”
Kështu e pësoi dhe Nastradini
Kur pat?ardhë nga Buharaja...
Ty, n’Europë s’të “shiten” prrallat
N’Amerikë një lek s’e ban.
Tuj mendue se i “hanë” kopallat
More rrugën për Iran.
Nuk e dijmë çfarë bisedove
Për Shqipni e për Ballkan
Për Greqinë shum u ankove
Do “t’konvertojnë” çdo musliman.
Ti, pasardhës i Ballabanit
I kampionit të tradhtisë
A kujton, Marko Boçarin
Që luftoi për krah Greqisë?
Në qoftë se e njeh pak historinë
(Dhe besoj se e njeh pa tjetër)
E din mirë se me Greqinë
Jem’ n’Ballkan popujt ma të vjetër.
Kur Bullgari, Serbi e Greku
Mbi Turqinë ran “fulikarë” (me vrullë)
Pashallarët agai dhe begu
Nuk e “prishën” gjakun fare!...
Mos harro “shoku” Baleta.
Sa bejlerë e agallarë
Tuj shkue pas turkut si “bleta”
S’qenë gja tjetër veç tradhtarë.
S’e kuptoj lum “miku” im
Kaq shum, shterrë, t’ka arsyetimi
Kur e thue me kaq nxitim
Se n’Shqipni u ba “konvertimi”!
Mos u merr me rrena t’trasha
Tuj kalue prej kodrës n’kodër
Ti e din mirë si Harjden Pasha
E “konvertoi” Dibrën e Vogël.
Mbasi la dymbëdhjetëmij asqerë
N’fushë t’betejës me dibranë
Egërsue si asnjë herë
I kthej t’gjithë në muslimanë (qershor 1845).
Çfarë do të bante Dibra e shkretë
N’atë kohë tmerrit plot trishtim
Kur n’Shqipni s’kish lindë Baletë
Me i “kshillue” për “konvertim”!...
Do t’jetë turp i kësaj bote
Me i thurë lavde turkut skëterrë
Kur trimneshat, gratë suliote
Nga shkambijtë janë hedhë në humnerë
Me t’ardhë turp prej Mic Sokolit
Dedë Gjon Lulit e Boletinit
Gurakuqit e Dom Kaçorrit
Që kurrë s’ju tund qerpiku isynit.
O Baletë, mblidh mendët e kokës
Se ky s’quhet “konvertim”
Ky asht “ligji” i Enver Hoxhës
Që pat ba t’famshmin “tufzim”.
Hidhja sytë pak historisë
Se të “lodhi” politika!
Janë vandalët e Azisë
Që shnderuan sa gra e çika
E dijnë popujt e Ballkanit
Sa kanë vuejt nga kjo “kolerë”
Ndër haremet e Sulltanit
Tuj lanë erë e tuj humbë nderë.
N’qoftë se ke pak gjak shqiptarit
Që t’lëvrinë nëpër damarë
Shiko krimet e barbarit
Që ti don me i ba “kumbarë”.
Pra, besoj se t’dola hakur
Me u zgjatë shumë, nuk ka kuptim
Këta janë “vllaznit e një gjakut”
Ky asht i “famëshmi” - “Konvertim”!...




****


Poshtë... "patate" - lart... "domate"!
Poshtë patate, nalt domate
Ky asht "ligji" i Miçurinit
Por me "seksin" e nji nate
Nuk ndryshon "geni" i njerzimit.

Nga dy sekse lind fëmija
Pavarsisht çfarë feje janë
E para fjalë nga buzët e tia
Është ajo që quhet Nanë.

Evoluimi i Miçurinit
I përket botës bimore
Do t'jetë kulmi i zhgënjimit
Ta pranojmë n'botën njerzore!

Kur "shartohen" gabimisht
Gene t'kundërta në një krijesë
Do të lindë fëmija me "bisht"
Ose debil me te me u qeshë...

Nji kristian, me gjak nga nana
Sa do lart mund ta çojë zanin
Aq sa kapet me dorë Hana
Mund t'ju mësojë njerzve - Kuranin...
Sa do nalt të rritet lisi
Sa do nalt t'i ngrihet maja
E k'putë era për midisi
Kur fillon t'i "thahet" rraja.



****

Të bësh moral në pleqëri,
duhet të keshë pasë edhe në rini...
S'mund t'i ngrejë "kordat" e zanit
S'mund "t'këndoj" as nëpër lagje
Pa i marrë leje Prelë Milanit
I cili asht mjeshtër në vargje.
Vërtetë, Prela asht artist
Oficer, burrë simpatik
Por, ç't'baj unë si pensionist
N'rast se vargu m'del "shik".
Kush n'rini qe aventurier
E s'pat lanë "parcelë" pa shkelë
S'ka arsye t'na shesin "nderë"
Tash që "veglat" i kanë ngelë...
Kush n'rini qe "rracional"
"Energjitë" i ka t'pa shterrshme
T'tjerëve kurrë s'ju "shet" moral
Se, n'shpirt ka rini t'përhershme.
Dikush, i lodhur (nga rinia aventurë)
Krrusur nga vitet dhe nga "ligësitë"
Jo nga zgjuarsia (por, se janë të sëmurë)
"Moral" të tjerëve u bëjnë çdo ditë!...
Larg botës dhe kohës, disa kanë mbetur
Kur njerëzit që duhen (i tregojnë me gisht)!...
Në vend të dashurisë (preferojnë urrejtjen)!...
Këta, vetë Krijuesi, i ndërtoi (gabimisht)...
Njerëzit e zgjuar, (me kulturë e vlerë)
Njerëzit me zemër e shpirt Kristian
Kurrë fjalë të këqija s'flasin për të tjerë
Se n'mendjen e ndritur qëndron shpirti i Madh.



*Krijimet me lart kane disi fryme "politike" por kjo nuk arsyeja perse i solla ne forum. Dua tu jap mundesine vizitoreve te Forumit Shqiptar te njihen me frymat e ndryshme dhe krijuesit e ndryshem shqiptare, gjithmone duke ju permbajtur letersise. Pra dua tu kujtoj qe cdo pergjigje e cila hap nje debat politik do te fshihet ose do hidhet ne forumet perkatese. Ndersa pergjigje te cilat kane lidhje me vete autorin, apo menyren si ai shkruan jane te mirepritura.