Intervistë me Seks Bomben Ciljeta Xhilaga

Ajo di të hyjë në shtëpitë e shqiptarëve edhe si intelektuale. Me një kostum të bardhë, me një palë syze, një lap top, duket me të vërtetë si një grua në karrierë.
Së fundmi Çiljeta Xhilaga po shfaqet si imazhi i një linje autobusësh, ndërsa vazhdon të bëjë përpara në fushën e këngës. Përveçse me një look provokues, Çiljeta po shton numrin e fansave të saj edhe përmes këngëve. Suksesi i saj më i fundit ishte në Këngën Magjike, ku mori trofeun “Etnomuzik”, ndërsa po përgatit albumin e saj të dytë. Ndërsa kemi hyrë në një vit të ri, me bindje thotë se 2006-a i dha shumë në karrierën si këngëtare dhe forcoi dashurinë e saj. Dhe po këtë kërkon edhe nga ky vit.

Çiljet, së fundmi keni hyrë në shtëpitë e çdo shqiptari përmes një spoti publicitar. Ç’mund të na thuash në lidhje me këtë bashkëpunim më të fundit?
Jam e lumtur për këtë. Tashmë kam një kontratë 1-vjeçare si imazh i “Luna Ekspres” itë parës linjë Tiranë –Rinas. Është një bashkëpunim që më ka dhënë shumë kënaqësi, aq më tepër që reklamat e realizuara nga “Max production” kanë dalë vërtetë të këndshme.
Ju kujdeseni shumë për look-un tuaj, në këtë rast (spoti) ka qenë një zgjedhje juaja prezantimi në fillim si një biznesmene, apo një grua në karrierë e më pas e veshur në të kuqe, me veshje tradicionale fundviti, apo..?

Ideja e reklamës së parë ishte e imja. Më joshte ideja e gruas intelektuale, të fortë, të pavarur, që shfrytëzon kohën në maksimum, qoftë edhe në një autobus, ku kushtet janë komode. Atëherë thashë përse jo?
Nëse një veshje do t’ju dukej e papranueshme ( e dalë mode, demode, apo shumë e ekzagjeruar me pjesët e saj të hapura) do ta vishnit atë vetëm e vetëm sepse ju pfrohet një shumë e madhe parash?


Jo nuk do ta vishja. Preferoj më së shumti të kuroj imazhin tim, se sat ë joshem nga një shumë e madhe parash.

Por nëse do t’ju duhej patjetër të zgjidhnit, cilën do kishit më të thjeshtë të vishnit një veshje démodé që ju tregon si punonjëse kooperative, apo një veshje
që ju tregon sexy, por shumë e ekzagjeruar???

Do preferoja veshjen “sexy”, sepse të them të drejtën e kam provuar disa herë më parë.

Po ecni mirë në fushën e muzikës. Së fundmi keni marrë edhe një çmim në Këngën Magjike, ç’mund të na thoni për këtë pjesëmarrje dhe realizimin e këngës?


Kisha kohë që përgatitesha për të marrë pjesë në “Këngën Magjike”. Doja të bëja një paraqitje sa më dinjitoze. U ndjeva më e sigurtë këtë vit, ndaj edhe tentova të merrja pjesë. Jam e kënaqur nga bashkëpunimi me kompozitorin Adrian Hila dhe koreografin Albi Nako dhe sigurisht edhe nga çmimi që mora.

Dhe meqë jemi këtu, në këtë festival kishit një veshje shumë “sexy”. Kush ua realizoi dhe pse mendni që kjo veshje i përshtatej këngës që kënduat?

Veshja u realizua nga stiistja Rezarta Skifteri. Ishte një veshje e menduar prej kohësh, thjesht prita momentin e duhur për ta përdorur.

Ju studjoni për shkenca politike, e shihni veten si politikane e ardhshme? Pjesëmarrja në fushatën e Olldashit është një hap i parë në këtë drejtim?

Të votosh për Sokol Olldashin nuk do të thotë të kesh bindje të djathta. Kjo ka të bëjë me të preferuarin mes Ramës dhe Olldashit. Nëse flasim për shkollën ende nuk kam bindje të edukuar politike. Nëse flasim për familjen është e vërtetë që ata janë demokratë.

Ku e kaluat natën e Vitit të Ri dhe në shoqërinë e kujt? Apo ishit në krye të “detyrës” në ndonjë restorant, apo PUB, duke kënduar?

Momentin e ndërrimit të viteve e kalova në shtëpi, bashkë me familjen time. Doja që këtë moment ta ndaja me njerëzit e mi më të dashur. Pas orës 24.00 u ngjita në skenën e koncertit që u zhvillua në Sheshin Skënderbej. Ndërsa më pas kalova orë të bukura në shoqërinë e të dashurit dhe të njerëzve të mi të afërm.

Dhe së fundmi çfarë morët nga 2006 dhe çfarë prisni nga 2007?

Nuk më duhet të mendoj gjatë për të thënë me bindje se viti 2006 më ka dhënë shumë. Përveçse i dha një hov të ri karrierës sime si këngëtare, ku do të përmendja “Këngën Magjike”, apo “Top Festin”, apo qoftë edhe si imazh i “Luna Ekspres”, forcoi më tej dashurinë time. Ndërsa nga viti 2007 pres sukses për albumin tim të dytë. Do të doja të kisha sa më shumë punë, para, harmoni në familje dhe të kisha sa më shumë kohë për të dashurin tim.

njohur gjithmonë si një femër seksi dhe e përfolur veçanërisht për këtë fakt, Çiljeta Xhilaga duket se nuk e ka aspak ndërmend të ndryshojë stil.


Sepse, kjo është natyra e saj e vërtetë. Këngëtarja duket se ka ditur t’i shfrytëzojë më së miri hiret e saj në funksion të karrierës dhe ekranit. Momentalisht e fokusuar në muzikë, ajo nuk e përjashton aspak politikën si një projekt të së ardhmes, ndonëse pohon se me muzikën fiton edhe më shumë se një kryeministër. Ndërkohë me Romeon është duke jetuar ditët më të mira.


Me çfarë është duke u marrë Çiljeta momentalisht?

Po punoj edhe dy këngë të fundit të albumit për ta nxjerrë në treg dhe, fakti që kam pasur shumë koncerte e shumë provime në shkollë, më ka detyruar ta vonoj daljen e tij. Tashmë do t’i përkushtohem tërësisht albumit. Do të realizoj edhe fotot dhe besoj se do ta nxjerr në treg së shpejti.

Në të vërtetë je zënë ndonjëherë për ndonjë mashkull?

Jo, asnjëherë nuk jam zënë me ndonjë femër. Gjithkush është i lirë të zgjedhë.

Do të ziheshe nëse i dashuri yt do të të linte për një femër tjetër?

Absolutisht jo. Është i lirë të shkojë ku të dojë, siç mund të shkoj edhe unë ku të dua.

Më the më sipër që albumin e ri do e shoqërosh edhe me disa foto. Edhe fotot e reja do të jenë në këtë frymë?

Ende nuk e kam menduar dhe është hera e parë që nuk e kam menduar veten si do ta shoh. Varet në bazë të rrjedhës që do të vijë gjatë fotografimit, por nuk besoj se do të jenë foto të ekzagjeruara.

Meqë jemi në këtë aspekt, si ndjehesh kur të tjerët përflasin gjoksin tënd?

Nuk më bën përshtypje fare. Jam mësuar me idenë e vajzës seksi sa jam lodhur, kështu që duhet të ndërroj unë stil që të thonë vajzë serioze.

Ty të pëlqen të të thoni seksi apo serioze?

Mua më pëlqen miksimi i të dyjave. Seksi e mbuluar me serioze është shumë e bukur.

Dikur je shprehur se në të ardhmen e sheh veten në politikë.. Vazhdon t’i përmbahesh këtij mendimi?

E mendoj veten shumë larg në politikë, pas shumë vitesh. Për momentin jam fokusuar tek arti dhe muzika, ndoshta pas shumë vitesh, pasi të kem krijuar edhe familje e të jem një femër e realizuar, mund të hyj në politikë.

Edhe aty e sheh veten si një politikane seksi?

Pse jo? Në botë ka disa raste të vajzave seksi që i kanë hyrë politikës.

Po për të gjetur sponsor të ndihmon pamja jote?
Unë e kam shumë problem dhe kurrë nuk kërkoj sponsor.

I mbulon vetë albumet dhe klipet?

Po, kam pasur vetëm një sponsorizim nga kompania “Yldon”, pasi i kam edhe miq të familjes.

A të siguron muzika të ardhura të mjaftueshme për t’i mbuluar këto shpenzime?

Muzika të siguron shumë të ardhura po të dish t’i mbledhësh. Po nuk dite t’i mbledhsh nuk të siguron asgjë, po të dish t’i mbledhësh të siguron edhe më shumë se një kryeministër. (qesh)

Çiljeta është nga ato femra që di ta menaxhojë mirë veten?

Deri diku. Jam pak dorëlëshuar në përgjithësi, po kam filluar të jem më e kujdesshme.

Shpenzon për veshjet?

Po, shpenzoj.

Është e vërtetë që reçipetat e tua kushtojnë 18 mijë lekë të reja?

Jo të gjitha. Kam edhe reçipeta që i kam blerë nga 5 mijë lekë dhe janë shumë të mira, por kam edhe të tjera që i kam blerë jashtë e kanë kushtuar më shumë se kaq.

Vazhdon ta kesh makinën tënde “Audi”?
Po, e kam ende, por shumë shpejt mendoj ta ndërroj dhe të marr një tjetër të vitit 2007.

Të ngacmojnë policët?

Jo shumë, më pak se më parë.

Po shoferët?

I kam bërë xhamat e zinj tani. (qesh)

Vazhdon të jesh Çiljeta e dashuruar me Romeon?

(qesh) Po. U bënë dy vjet që jemi së bashku. Çdo lidhje ka uljet dhe ngritjet e veta, kështu që besoj se i kemi kaluar fazat e këqija që mund të ketë një lidhje.

Mendon që kjo do të jetë lidhja jote e fundit dhe e vërteta?

Unë mendoj që çdo femër nuk niset kurrë për një aventurë, por për një lidhje serioze dhe mendon që do të jetë gjithë jetën me njeriun që ka në krah. Pastaj është çështje fati se sa përputhen gjërat dhe sa shkojnë për mbarë. Unë e di që asgjë nuk është e përjetshme, e madje as dashuria nuk është e tillë. Unë do të doja që të ishte ashtu, por sa do të jetë e realizueshme nuk jam e bindur. Jemi tepër herët për të folur, ndonëse të dy e mbajmë në dorë unazën e dashurisë.

Si e cilëson veten në dashuri?

Pasionante, ëndërrimtare dhe e përkushtuar, ndoshta më shumë nga sa duhet. Jam shumë korrekte dhe e sinqertë.

Ke bërë ndonjë çmenduri në emër të dashurisë?

Çmenduria më e madhe që kam bërë është që kam falur shumë gjëra.

Po tradhtinë e fal?

Pse jo, edhe e kam falur.

Mes saj dhe të dashurit të saj nuk ka asnjë ftohje. Edhe pse në jo pak
të përditshme është komentuar diçka e tillë, në këtë rast nuk ka asnjë gjë të vërtetë. Këngëtarja Çiljeta Xhilaga vjen në këtë rrëfim për të na treguar marrëdhënien e saj të dashurisë, duke pohuar se është plotësisht e lumtur me të dashurin e saj, Romeo. Po kalon kohën Çiljeta Xhilaga e saj më të mirë, ku ndihet absolutisht e realizuar; është 22 vjeç, është studente në vitin e katërt, ka një familje të mrekullueshme, po përjeton dashurinë e vërtetë, ka një karrierë jo pak të suksesshme në muzikë, ka arritur të ketë një ekonomi të saj, e ndërkohë është konkurrente në festivalin “Kënga Magjike”, ku për të më e rëndësishme se një çmim ka rëndësi paraqitja e saj.


Përse keni zgjedhur të këndoni tek “Kënga Magjike” dhe jo tek ndonjë festival tjetër?

Arsyeja është se “Kënga Magjike” është një festival që më pëlqen shumë për mënyrën si është i ndërtuar, për seriozitetin e artistëve që marrin pjesë. Pastaj, tashmë ai është një eveniment që ka krijuar një traditë të mirë, ka një impakt të madh tek publiku dhe nuk ka hile. Këto gjëra më kanë shtyrë të jem edhe unë aty.


Pretendoni për ndonjë çmim?

Nuk pretendoj për ndonjë çmim, jo për të nënvlerësuar këngën, por për faktin se unë asnjëherë nuk hyj në një konkurs-festival për çmim. E rëndësishme për mua përherë ka qenë një pjesëmarrje e mirë dhe të lë një shije të mirë me çdo këngë që unë konkurroj. Ky ka qenë qëllimi im gjithmonë, të paraqitem denjësisht.

Dihet që do të ndahen disa çmime, për ju cili është çmimi që do të donit të merrnit nga ky Festival?

Çmimi “Jon Muzik”, pasi ka emrin Joni, që është i djalit të producentit, Ardit Gjebrea dhe që unë jam shumë e apasionuar pas Jonit në të vërtetë.

Jeni parë kohët e fundit në disa aktivitete vetëm, pa Romeon. Si po shkon marrëdhënia juaj me Romeon? Është e vërtetë se ka një ftohje mes jush?

Marrëdhënia jonë shkon shumë mirë dhe të dy jemi mjaft të kënaqur me njëri-tjetrin. Mund të them me bindje se jemi të lumtur. Nuk ka asnjë ftohje mes nesh, të gjitha këto s’janë aspak të vërteta. Ne jemi gjithë kohës bashkë, madje edhe në fundjava kur unë kam koncerte, Romeo është me mua.


Dy vjet bashkë e konsideroni veten si një çift i konsoliduar tashmë?

Jemi të lumtur dhe sigurisht që tashmë jemi një çift i konsoliduar, që kemi kaluar disa faza të rëndësishme në lidhjen tonë. Tani dimë t’i dallojmë gjërat që pëlqejmë më shumë tek njëri-tjetri. Kështu, Romeo ka një ka karakter të fortë. Ka një sedër të paparë dhe është shumë tolerant. Këto janë cilësi që më pëlqejnë shumë tek ai.


Ke frikë nga monotonia e një lidhjeje?

Çdo lidhje e gjatë ka fazat e saj. Por monotonia mund të them se është një fazë që tashmë është kaluar nga të dy ne, kështu që nuk kam më frikë prej saj.


Pas kaq kohë lidhjeje, duket në sfond ndonjë fejesë apo bashkëjetesë?

Jo, akoma. Mendoj se është herët për plane të tilla. Pastaj, ndihemi shumë mirë aktualisht, kështu që nuk e shohim as njërën dhe as tjetrën si domosdoshmëri për momentin.

Të gjithë jemi të interesuar të dimë gjithçka rreth VIP-ave tanë, madje, edhe më tepër rreth atyre që shfaqin apo pohojnë nëpër intervista. Kureshtja jonë shkon më tej karrierës së tyre, në jetën e tyre jashtë profesionit. Për këtë, kemi vendosur “të gërmojmë” në arkivat personale të disa prej figurave më të njohura të ekraneve tona, e t’ju sjellim juve kujtime dhe pjesë të jetës së tyre. Këtë herë kemi zgjedhur si personazh Çiljetën, duke nxjerrë nga arkivi i saj personal foto të saj e të familjarëve të saj; kemi mësuar pemën e saj gjenealogjike, si dhe çfarë thonë të afërmit për të. Ju mbetet vetëm të lexoniMini Biografine.Çiljeta lindi më 5 shkurt të vitit 1985 në Tiranë, në Lagjen Nr. 3, te Selvia. I përket shenjës së Ujorit. Që e vogël është dalluar për bukurinë dhe shkathtësinë e saj, qysh kur shkonte në kopsht, edhe pse nuk e kishte me shumë dëshirë. Por në shkollë dallohej për rezultate të larta në mësime, si dhe një vajzë e edukuar.


Tetëvjeçaren e kreu në shkollën “Jeronim de Rada” e më pas gjimnazin te “Sami Frashëri”, në Tiranë. Është angazhuar që e vogël nëpër festa të ndryshme, të organizuara nga shkolla, ku edhe ka dalluar me aftësitë e saj në kërcim, këngë e recitim. Në vitin e parë të gjimnazit janë hapat e saj të para, të një karriere që do të merrte vrull në vitet që do të pasonin. Në atë kohë merr pjesë në konkursin për të rinj, “Rinfest”, ku përfaqësonte shkollën e saj, dhe atje zgjidhet modelja më e mirë. Po këtë vit merr pjesë edhe në konkursin e bukurisë “Miss Shqipëria”, ku vlerësohet me çmimin “Miss Kinemaja”, çmim ky që ia hapi rrugën drejt suksesit. Pas këtij suksesi, pasoi pjesëmarrja e saj si prezantuese në dy edicionet e spektaklit “Netët e klipit shqiptar”. Do të vinin më vonë pjesëmarrja në “Kënga magjike”, në filmin “Ishte kohë për dashuri”, si dhe në komedinë “Trapi i vjetër”. Në moshën 17-vjeçare përfaqëson Shqipërinë në spektaklin e bukurisë “Miss National”, të organizuar në Brazil, ku vlerësohet me çmimin “Miss Friendship” dhe hyn në Top5.

Gjatë gjimnazit bëhet imazh edhe i disa reklamave, fillimisht për një firmë kondicionerësh, më pas për një kompani operatorësh telefonikë, si dhe për një linjë autobusësh. Përveç këtyre, do të angazhohej seriozisht edhe me muzikën. Në vitin 2004 publikoi albumin e saj të parë, i cili u pasua me pjesëmarrje të saj në festivalet më në zë të vendit, ku shpesh është vlerësuar edhe me çmime të rëndësishme. Pasi përfundoi gjimnazin, bëri një vit pushim, pasi i kishte dalë shkolla e lartë për Shkenca Politike në Itali, dhe familja nuk donte që ajo të largohej. Aktualisht, është studente e vitit të tretë në Shkenca Politike dhe vazhdon të jetë aktive edhe në tregun muzikor. Familja e ÇiljetësFamilja e saj përbëhet nga tre pjesëtarë: mami, babi dhe Çiljeta.Babi i saj quhet Ferdinand Xhilaga, i ditëlindjes 15.12.1935. Aktualisht, është pensionist, por profesioni i tij ka qenë ekonomist. Origjina e tij është dibrane, mirëpo, duke pasur babanë oficer, është lindur në Delvinë, ku edhe jetonin në ato vite.Mami i Çiljetës quhet Majlinda Xhilaga, e lindur më 23.05.1962 në Korçë, por jeton prej vitesh në Tiranë. Profesioni i saj është parukiere. Lidhja e saj me Çiljetën është shumë e ngushtë. E ka shoqëruar atë që në moshë të vogël, dhe vazhdon edhe sot e kësaj dite, kur Çiljeta ia ka nevojën. Ajo i ka bërë dhuratë mamit të saj një sallon bukurie në Tiranë, i cili mban emrin “Çiljeta”.Gjyshja e saj nga mami quhet Liri Zenelaj, e lindur në vitin 1944, dhe jeton në Tiranë. Çiljeta ka një marrëdhënie të rrallë me gjyshen e saj, që shumë pak mund ta kenë. E duan shumë njëra-tjetrën.Të afërmit e ÇiljetësMami i saj është fëmijë i vetëm dhe, për pasojë, Çili nuk ka as teze, as dajë. Ndërsa nga babi ka vetëm një xhaxha, me të cilin ka marrëdhënie shumë të mira. Ai quhet Shpëtim Xhilaga. Po kaq marrëdhënie të mira ajo ka edhe me nusen e xhaxhait, Teutën, si dhe me dy djemtë, Denisin dhe Eltonin, të cilët i konsideron si vëllezër.Shprehen për Çiljetën
Mami i saj, ndër kujtimet e fëmijërisë së Çiljetës, tregon:

“Ka qenë një vajzë midis dy djemve. Duke qenë se në familjen e bashkëshortit ishin vetëm dy meshkuj, Çiljeta ishte shumë e dëshiruar në këtë familje. Ka qenë një fëmijë jashtëzakonisht shumë e bukur. Sado të ketë ndryshuar, buzët dhe sytë e saj të veçantë nuk ndryshojnë asnjëherë. Kur ka qenë në moshën 5-vjeçare nuk i pëlqente fare të shkonte në kopsht dhe vinte pas meje, kur shkoja në punë. Ishte shumë e lidhur me mua; më kujtohen vitet 90, kur shkoja në ambasadën jugosllave për të marrë vizë për në Kosovë e që më vinte nga pas. Largohej nga kopshti dhe shkonte vetëm në ambasadë, edhe unë po të mos isha atje. Po në këtë moshë, largohej shpesh nga shtëpia dhe shkonte vetëm te “15-katëshi” dhe i lagte flokët me ujë te shatërvani. Nuk e kishte fare problem të shkonte vetëm nga Pazari i Ri për në Kamëz, ku e kishte punën i ati. Edhe pse kopshtin e kishte inat, me shkollën nuk ndodhte e njëjta gjë. Ishte nxënëse shumë e rregullt, mësonte dhe mësuesit e donin jashtëzakonisht shumë. Edhe sot, mësueset e shkollës së saj tetëvjeçare e duan po aq shumë, si dhe e takojnë shpesh.Që pas vitit 1990 ia kemi festuar çdo vit ditëlindjen, si dhe kemi si kujtime fotografi apo video, të cilat shpesh Çiljeta i shikon dhe i kujton ato kohë të bukura. Çiljeta, mendoj se është pjekur para kohe; kjo falë angazhimeve të saj nëpër evenimente të ndryshme. Gjatë gjimnazit shoqërohej me njerëz jo të moshës së saj, pasi e lidhte puna dhe i ka munguar fakti i të qenit gjimnaziste e mirëfilltë. Gjithmonë e shoqëroja unë, ndërsa, pas vitit të tretë të gjimnazit, filloi të ecte me këmbët e saj. Por, edhe sot më merr shpesh me vete.”

Gjyshja: “Jam shumë krenare që e kam mbesë. Që e vogël ka qenë shumë e bukur. Më kujtohet vera e vitit 1991, kur kemi qenë në Golem, në plazh. Atje ajo ka qenë fëmija më e bukur e që binte më tepër në sy. E thërrisnin që në atë kohë “Miss Plazhi”. Nuk i preknin këmbët në tokë, pasi e mbanin të gjithë në shpatulla. Aq shumë e donin… Është fëmijë shumë e edukuar, i respekton shumë njerëzit, sidomos moshën e madhe. Asnjëherë nuk ma kthen fjalë. Çfarëdo që t’i them, më dëgjon me shumë respekt. Është edhe një besimtare e madhe, beson te Kurani dhe i feston festat fetare. Jam shumë e kënaqur nga Çiljeta. I uroj të ketë fat dhe suksese, në profesion e kudo tjetër në jetë.”