Kanye West dominon në nominimet Grammy?

Kanye West dhe Amy Winehouse, janë kandidatët më seriozë për të fituar çmime Grammy, duke marrë parasysh numrin e madh të kategorive ku janë të nominuar.
West prin me 8 nominime në edicionin e 50-të të Grammyt, që do të mbahet, më 10 shkurt, të vitit të ardhshëm. Menjëherë pas Westit, gjendet Winehouse, e nominuar në gjashtë kategori, mes të cilëve, edhe në kategorinë e interpretuesit më të mirë të ri, (së paku në SHBA tash kanë dëgjuar për të). Nga pesë nominime kanë; Foo Fighters, Jay-Z, T-Pain dhe Justin Timberlake.
Në kategorinë “Kënga e vitit”, janë nominuar: Rihanna - Umbrella, Beyoncé -Irreplaceable, Amy - Rehab, Foo Fighters – Pretender dhe JT me këngën What Goes Around Comes Around.
Në kategorinë e hitit më të mirë në kategorinë e femrave janë nominuar: Aguilera (Candyman), Fergie (Big Girls Don't Cry), Winehouse (Rehab), Nelly Furtado dhe Feist (1234), derisa në kategorinë e meshkujve, nominimi është si vijon: Seal (Amazing), John Mayer (Belief), Michael Buble (Everything) Justin (What Goes...) dhe Paul McCartney (Dance Tonight).
Bendi White Stripes është i nominuar në kategorinë e albumeve, sikur edhe Bon Jovi dhe U2, ndërkaq në kategorinë e duetit më të mirë, në mesin e kandidatëve të tjerë, gjendet raperi tashmë i ndjerë Pimp C (i cili ditë më parë është gjetur i vdekur në dhomën e tij në hotel) për këngën e interpretuar bashkë me Outkastin, “Int'l Players Anthem”.