Ricky Martin (megjithatë) i do meshkujt

Joshësi latin, Ricky Martin, me vite të tëra mundohet që në publik të paraqitet në shoqëri të vajzave tërheqëse, gjoja që të shkruhet sa më pak për prirjen e tij homoseksuale. Megjithatë, thashethemet për dashurinë e tij ndaj gjinisë mashkullore, çdo ditë e më shumë, po bëhen më të shpeshta e konkrete, e këto ditë është aktualizuar "specialisti për përkujdesje të lëkurës" i Martinit.
Ole Henrisken është dermatolog dhe mik i moçëm i Ricky Martinit, i cili me vite fsheh përcaktimin e tij seksual. Në një intervistë për një reviste suedeze, Henriksen ka deklaruar: "Ricky kohëve të fundit ka qenë shumë më i hapur në lidhje me çështje e homoseksualitetit të tij, sesa më herët. Nuk e di nëse aktualisht ka një dashnor".

Një numër i miqve të yllit latin, disa herë kanë dalë në media me deklarata për homoseksualizmin e tij, mirëpo këngëtari seksipil asnjëherë nuk është deklaruar publikisht.

"Ai është një mashkull sensual dhe të gjitha gratë çmenden pas tij. Ka energji të fortë seksuale e cila i fascinon edhe meshkujt", kishte deklaruar Nina Moric pasi që ishte puthur me Ricky Martinin për nevojat e video klipit "Livin' la Vida Loca".