Veshja e gabuar e VIP!

Nëse do të ekzistonte një "polic mode" në këtë botë, atëherë të gjithë këto diva tashmë do të ndodheshin pas hekurave të ftohta të burgut. Arsyeja e arrestimit? Një dhe e vetme, mënyra e veshjes së tyre nuk është e përshtatshme për famën dhe emrin që ato mbartin. Nëse një stilist i mirëfilltë do të shihte me vëmendje këto pamje, menjëherë do të krijonte për këto diva një sfilatë të veçantë. Sepse në këto foto shfaqen momentet më të këqija të personazheve të famshëm të botës së showbizit. «Oh zot, por çfarë ka veshur?».Kur kjo pyetje është komenti i parë, që i bëhet një ylli që sfilon në tapetin e kuq, do të thotë se ka përfundimisht diçka që nuk shkon. Edhe personazheve të famshëm, u ndodh të kenë në dollapin e tyre të stërmadh të rrobave disa gjëra të gabuara. Gabimi më i përhapur dhe më i përdorshëm? Përpjekja për të qenë origjinale me të gjitha kushtet. Fustane të shkurtra, ose më mirë si të sajuar, ngjyra të ndezura, aksesorë që më tepër kanë pamjen e armëve....këto janë përbërësit e një mini- sfilite të gabuar të vipave.
Kate Bosworth: në versionin e ‘strucit’. Kurrë mos vish gjëra të tilla dhe kurrë mos u mundo t’i përafrohesh një kafshe.
Kelly Rowland e Destiny's Child: asnjë nuk i ka shpjeguar faktin se veshja sportive, që përafron më tepër me tutat që mbahen për shtëpi tepër të shtrënguara, nuk është seksi, pale më pastaj kur ato shoqërohen nga takat e larta.
Naomi Watts: gjithçka e gabuar. Hidhe çantën e shndritshme, ndërro këpucët, digje fustanin dhe merr një makinë për t’u ndërruar menjëherë.
Lilly Allen: Mendimi i parë që i ka ardhur në mendje kësaj vajze sapo është parë në pasqyrë sigurisht që ka qenë "Do të dukem e këndshme, një fustan i lezetshëm tërësisht rozë!". Por ka qenë një mendim i gabuar, sepse në fakt me këtë fustan nuk i ngjason tjetër kujt vetëm një kutie që mbart bonbone, pasi macja e ka gërvishtur me thonj.
Alicia Keys: Këshilla e parë që vjen për këtë vajzë, është që të ndërroj menjëherë garderobën e saj. Më tepër sesa një fustan lëkure, i përafrohet sekuencave të filmae vizatimor.
Britney: Ende nuk e ka kuptuar se flokët janë pjesa kryesore e bukurisë, dhe kurrë nuk dilet nga shtëpia me pizhamet e gjumit.
Cate Blanchett: Ka bërë gabimin më të thjeshtë. Është përpjekur me të gjitha kushtet të shfaqej origjinale. Do të transmetonte një imazh elegant me një fustan të ngushtë të zi, që mund të përdorej për çdo rast.
Kate Moss: Nuk duket ndryshimi midis fustaneve të mbrëmjes dhe këmishëve të gjumit. Mesa duket një veshje të tillë edhe vet Kate nuk e ka pëlqyer, sepse pas disa orësh ajo është fotografuar po me të njëjtin fustan, por të shkurtër, sipas stilit të saj të grisjes.
Lindsay Lohan: Jo gjithnjë e zeza është perfekt në veshje, do të ishte më e këndshme nëse kjo ngjyrë do të përzihej me ngjyra të tjera.
Liz Taylor: Është mëse e pranueshme fakti që ky emër mbart kurorën e mbretëreshës së Hollyëood, por, përse do të nënvlerësonte një titull të tillë duke u veshur si një Dea egjiptiane?
Mariah Carey: Thuajse gjithnjë gabon praktikisht. Kjo është një ndër arsyet e thella që duhet të heq dorë nga veshja e këtyre lloj pantallonash, të cilat i rrinë ngjitur pas trupit. Efekti i papranueshëm.
Mary J. Blige: Përfundimisht e ka tepruar. Sigurisht që nuk mund të përcaktohet si një zonjë, më tepër duket si një fushë ku bari i gjelbër sapo ka lulëzuar.
Paris Hilton: Si mund të shkatërrohet një veshje blu me një shall meksikan?
Rihanna: Është viktimë e disa defekteve të modës, këtë fustan ia ka stiluar Ray Charles? Sërish shfaqet në këtë mini- sfilatë të dështuar por me versionin fetish.

Po cilat janë këshillat për të mos rënë viktimë e këtyre gabimeve?

Rregulli nr 1: kurrë mos e ekzagjeroni, fustani tepër i fryrë dhe flokët tepër të gufuara do të bien në sy, por në mënyrën e gabuar.

Rregulli nr 2: duhet të njohësh ngjyrat që preferon. Nëse jeni brune mos vishni ngjyra të qarta. Nëse jeni me flokë të kuqe mos përdorni veshje portokalli. Nëse jeni bionde mos përdorni ngjyrën e verdhë.

Rregulli nr 3: përshtatni veshjen me rastin. Mos vishni pantallona xhins tepër të ngushta në ndarjen e çmimeve Oskar, apo mos përdorni fustan elegant në piceri.

Rregulli nr 4: veshja e rrobave një masë më të vogël, për t’u dukur sa më e dobët ju bën të gaboni tmerrësisht.

Rregulli nr 5: mos nënvlerësoni këpucët dhe aksesorët në përgjithësi. Ndodh shpesh se janë pikërisht këto që bëjnë ndryshimin.

Në fund pranoni këshillën e mikeshave ose të ndonjë personi tjetër. Sepse nëse nuk do të merrni parasysh edhe propozimet e të tjerëve, atëherë do të përfundoni si damat në këto imazhe.