Vesa Luma-interviste!

Muajin e fundit ne te gjitha top listat vendore eshte VESA LUMA ajo qe po shkelqen me kengen e saje"jemi dhe s'jemi",.........
E bukur dhe e pakompromis, kur paraqitet ne skenë, Vesa Luma sjell fantazinë më afër tinejx-herëve të Kosovës, duke i pro-vokuar ata me vallëzimin e saj modern. Biondinën e bukur e njohim moti, që prej kohës kur ajo ngrinte në këmbë të gjithë publikun në Pallatin e Kongre-seve në shoun "Ethet e së premtes mbrëma" me zërin e saj shumë të vlerësuar nga njo-hësit e muzikës.
Pas suksesit të këngës "Flakareshat" me koleget e saj Ronen dhe Teutën, Vesa ka ven-dosur që karrierën e saj muziko-re ta zhvillojë si solo këngëtare. Për Vesën qershori i këtij viti ishte koha kur ajo theu akullin, duke u paraqitur me këngën e saj të re "Jemi dhe s'jemi" e cila ka arritur t'i pushtojë vendet e para nëpër të gjitha top listat vendore, duke lënë pas vetës shumë këngëtarë të tjerë të njo-hur. Vesa Luma është njëra ndër këngëtaret e cila synon suksesin gradual. Teksti dhe tingujt e kësaj kënge krijojnë një atmosferë elek-trizuese.
Vesa tregon se tekstin dhe orkestrimin e kësaj kënge i ka bërë këngëtari dhe kompozitori i ri nga Shqipëria Florian Mu-majesi (Flori). "Flori ka punuar edhe më herët një këngë për mua, pran-daj një ditë kur ishim duke ndenjur bashkë më tha se do të më punojë një këngë shumë rit-mike", tregon Luma. Ajo thotë se në fillim e ka pyetur Florin nëse është i sigurt që ajo mund ta këndonte atë këngë, por ai kishte vendosur që këngën e tij ta këndonte Vesa. Këngës "Jemi dhe s'jemi" ajo i ka punuar edhe spotin, për të cilin ka bashkëpunuar me Shkumbin Istrefin dhe CNB Pro-duction.
"Në këtë këngë janë të përziera disa zhanre në një temë muzikore, meqë kam dashur që t'i përshtatem më shumë shijes së publikut", thotë Vesa. Luma pas suksesit të kësaj kënge ka vendosur që të puno-jë më intensivisht për albumin e saj të parë që pritet të dal diku kah mesi i muajit dhjetor. "Albumi im i parë, do t'i përf-shijë disa zhanre muzikore. Kam vendosur kështu, për të gjithë ata që e dëgjojnë këtë al-bum të gjejnë diçka", thotë ajo, duke treguar se eksperienca në festivalin e njohur të Shqipërisë "Ethet e së premtes mbrëma" ka bërë që ajo të marrë guximin për t'i futur disa zhanre në një album. Edhe pse eksperimenton me shumë zhanre, ajo ende nuk e ndien veten si profesioniste.
Sipas saj, njeriu duhet të puno-jë gjithë jetën për të arritur të profesionalizohet. "Për projektin tim të parë kam planifikuar të bashkëpunoj me kompozitorë dhe tekstshkrues të ndryshëm, si Armend Rex-hepagiqi, Florent Boshnjaku, Ilir Tolaj, Ilir Bajri, Ilir Osmani ed-he Flori", tregon biondina e bukur duke thënë se planifikon që këtij albumi t'ia bashkëngjis edhe njërën nga këngët që ajo i ka kënduar më herët. Për të gjitha këto, ajo thotë se përkujdesët familja e saj.
Vesën e njohim edhe si prezantuese dhe gazetare në Televizionin publik të Kosovës, që ajo thotë se është profesioni i saj.
"Unë kisha dashur shumë që profesioni im i dytë të jetë muzi-ka dhe shpresoj që zoti të më japë atë mundësi që t'u përkushtohem të dyjave. Unë e dua muzikën, ajo më shoqëron në çdo çast të jetës sime, por edhe gazetarinë e kam në shpirt, prandaj s'do të mund t'i ndaja", shprehet Vesa Luma. Derisa për profesionet e saj flet me dëshirë, për jetën e saj private flet pak sa me përtesë, apo edhe nuk preferon të flasë. Thotë se atë e ruan për vete. "Unë e ruaj jetën time private për vete, e ruaj nga vrazhdësia e show biznesit, sepse nëse atë e bëj publike atëherë ajo më nuk është private", përfundon ajo.