Arbana Osmani shumë e kënaqur si drejtuese e Big brother

Kur shkruam se Arbana Osmani ishte kandidatura më e mundshme dhe më e pranueshme për të drejtuar “Big brother” në Shqipëri, me siguri nuk gabuam. Jo vetëm për faktin, që informacionet jozyrtare brenda “Top Channel” ishin të besueshme, por edhe pse prezantuesja e suksesshme e disa spektakleve ishte mundësia më e mirë për të qenë drejtuese e “Big brother”. Tashmë emri i Arbana Osmanit është zyrtarizuar nga drejtuesit e “Top Channel”.Dhe ajo ndjehet shumë e kënaqur për këtë mundësi, që i është dhënë. “Jam shumë e kënaqur”, vetëm kaq mund të them, pohon ajo.


Një prej shfaqjeve më të ndjekura në llojin e vet, kudo në botë “Big brother” vjen për herë të parë në Shqipëri, nën drejtimin e një stafi holandez në bashkëpunim me “Top Channel”. Edhe pse ende nuk jepet një datë e saktë për nisjen e këtij reallity- show besohet se ai dotë jetë në ekran në fillim të vitit të ardhshëm. Duke besuar në suksesin e këtij formati në shumë prej vendeve të Evropës Perëndimore ku është aplikuar deri tani, besojmë se do të jetë i tillë edhe në Shqipëri. Të mos harrojmë pastaj, që për fituesin është vënë në dispozicion një shumë e konsiderueshme parash.