Moss shton pasurinë edhe për 4.4 milionë dollarë

Pasuria e supermodeles Kate Moss është shtuar edhe për 4.4 milionë dollarë gjatë vitit të kaluar, pavarësisht imazhit jo aq të mirë të saj në media, si pasojë e lidhjes me rokerin konsumues të drogës, Pete Doherty.
“Skate Enterprises”, firma e modeles 33-vjeçare, e cila e kishte filluar karrierën e modelimit që në vitin 1988, kur ishte vetëm 14-vjeçe, ka shtuar vlerën nga 8.8 milionë në 13 milionë dollarë.
Xhirollogaria aktuale e Kate raportohet të ketë afro 10.2 milionë dollarë, një shumë më e madhe se sa ajo prej 4 milionë dollarësh që i kishte raportuar para se modelja të etiketohej si përdoruese e kokainës.
Kate së fundi ka nënshkruar edhe një numër të madh kontratash financiarisht fitimprurëse me emrat e mëdhenj si Versace, Bulgari dhe Rimmel. Por, shifrat nuk tregojnë pasurinë e përgjithshme të Kate, që besohet të tejkalojë 90 milionë dollarë.