Në muajin maj fillojnë xhirimet e filmit "Saimir Kumbar

Bazuar mbi skenarin e Ruzhdi Pulahës, filmi trajton problemet e moshës së tret
Me çudi ata krahasojnë shokun e tyre me njeriun e filmit. E paskëshin pasur mes tyre dhe nuk e kishin ditur. Ai është Lenini, nuk ka se si të jetë ndryshe. Një shtatore pa kokë qëndron në mes të oborrit. Koha ka ndryshuar shumë gjëra, megjithatë shqiptarët nuk e kanë harruar Leninin. Ai është në trurin e njerëzve dhe shpesh herë ngre krye. "Mirëmëngjes Tavarish Lenin" quhet (deri më tani) filmi në proces i regjisorit Saimir Kumbaro. Nga një projekt në letër, fitues një vit më parë në Qendrën Kombëtare Kinematografike, filmi ka filluar të marrë formë. Skenari i Ruzhdi Pulahës po pasurohet me të tjerë elementë, janë përzgjedhur aktorët dhe në muajin maj pritet të fillojnë xhirimet. Filmi trajton problemet e moshës së tretë. Ngjarjet vendosen në një shtëpi të moshuarish, ku takohen karaktere nga më të ndryshmit. Ka mes tyre të persekutuar, komunistë, madje edhe një aktor, që dikur ka shkëlqyer në rolin e Leninit. Pikërisht atë zgjedhin të moshuarit si shpëtimtarin e tyre. Ai duhet të luftojë që shtëpinë e tyre të mos e bëjë pallat 10-katësh një kandidat për kryetar bashkie me letra të falsifikuara. Pasi kanë kaluar 12 vjet nga filmi i fundit "Vdekja e Kalit", regjisori Saimir Kumbaro i kthehet filmit artistik, madje gjinisë së tij të preferuar, komedisë. Sipas Kumbaros, filmi "Mirëmëngjes shoku Lenin", një bashkëprodhim franko-shqiptar është një komedi e zezë, ku gërshetohen disa problematika e mesazhe. Për të luajtur rolin e aktorit-Lenin, Kumbaro ka zgjedhur Lazër Filipin, për të cilin Lenini është roli i jetës së tij në dramën "Orët e Kremlinit". Pak kohë më parë projekti i Kumbaros fitoi një fond prej 130 mijë eurosh nga Fondi i Jugut.

» Arrestohet aktori i filmit "The Wrestler"
» Velvet fillojne me pune...
» Elita 5" "mesyn" Festivalin e 46-te te Kenges
» Saimir Murati.