Gruaja zë Sean Pennin me "pelë për dore"

Më në fund është bërë e ditur arsyeja pse aktori i famshëm, Sean Penn, është braktisur nga gruaja e tij, Robin Wright Penn. Siç bën të ditur revista Star, Robin është larguar nga Penn, pasi e kishte zënë atë bashkë me dy vajza të tjera në shtrat.
Sipas kësaj reviste, Penn ka qenë i pabesë ndaj partneres së tij, me të cilën ishte i lidhur që 11 vjet. Tradhtia thuhet të ketë ndodhur në liqenin Tahoe të Kalifornisë, ku çifti kishte shkuar për pushim para Krishtlindjeve.

“Sean nuk ka kaluar shumë kohë me gruan e tij, ai i kishte rezervuar asaj një suitë të ndarë, dhe kur Robin u ndje e vetmuar dhe shkoi të shihte suitën e tij, ajo gjeti aty edhe dy vajza ruse”, ka thënë një burim i afërt me ngjarjen.

Penn, i cili për katër vite më herët kishte qenë i martuar edhe me pop yllin Madonna, u martua me Wright në vitin 1996 dhe kanë dy fëmijë së bashku Dylan Frances, 16-vjeçar, dhe Hopper Jack, 14-vjeçar. Wright aplikoi për divorc më 21 dhjetor (2007).