Brosnan akuzohet për vjedhje të ujit

Një fermere, fqinje e aktorit Pierce Brosnan, e ka akuzuar ish-yllin e filmit James Bond për vjedhje të ujit të saj. Cathy Ham Young thotë se pronarët e mëhershëm të pronës së Brosnanit në Hawai, e kanë devijuar ujin nga ferma e saj dhe ylli ka dështuar ta rregullonte kanalin, pavarësisht se gjyqi ka urdhëruar të bënte një gjë të tillë.
Young, 77-vjeçare, thotë se të mbjellat e saj janë shkatërruar nga thatësia dhe se do ta dërgojë aktorin 54-vjeçar në gjyq.
“Pierce Brosnan e ka vjedhur ujin tim. Pasi që ai është një yll milioner i filmave, ka menduar se mund të vijë dhe të vjedhë ujin tim. Ai madje ka injoruar urdhrat e gjykatës për të vendosur një gyp të ri me qëllim të rregullojë furnizimin e fermës sime me ujë”, ka thënë ajo.
Por, avokati i Brosnan thotë se “Pierce nuk është urdhëruar të rregullojë gypin dhe se kjo nuk është problem i Pierce”.