Drenusha Latifi,kosovarja sensuale provokon edhe në Shqipëri

E ndërsa në Kosovë duket se është e njohur mjaftueshëm dhe tashmë ka fansat e saj, jo vetëm për bukurinë që ka, por edhe për muzikën, në Shqipëri Drenusha Latifi po provon gradualisht afirmimin. Sigurisht e ndihmuar edhe nga imazhi si një femër seksi, bukuroshja kosovare tashmë synon edhe tregun shqiptar.
Ndonëse fillimet e saj në botën e spektaklit i ka nisur me modën dhe konkurset e bukurisë, tashmë Drenusha Latifi në vendlindjen e saj njihet edhe si këngëtare. Shumë shpejt ajo do të jetë në ekranin e BBF, me videoklipin e ri të realizuar pak kohë më parë nga “Max production”. Bëhet fjalë për një këngë ritmike në klipin e së cilës bukuroshja kosovare shfaqet si një femër sensuale dhe provokuese,
realisht duke mos dalë jashtë natyrës së saj.
Sigurisht e bindur se pamja e saj do ta ndihmojë për të pasur sukses në Shqipëri ashtu si edhe në Kosovë, Drenusha Latifi me realizimin e këtij klipi tenton të ketë fansat e saj edhe në Shqipëri.
Xhirimet e klipit janë realizuar në Tiranë dhe për të janë shfrytëzuar jo vetëm ambiente të mbyllura, por edhe disa nga rrugët në kryeqytet.