Naomi kurrë më nuk mund të fluturojë me “British Airways”

Për shkak se ka fyer policinë dhe personelin e Terminali 5 në aeroportin londinez “Heathrow”, Naomi Campbell i është ndalur përjetësisht mundësia e fluturimit me kompaninë “British Airways”.
“Me këtë ndalesë, ne u dërgojmë porosi të gjithëve se një sjellje e tillë është plotësisht e papranueshme”, ka thënë një zyrtar i BA-së për “Daily Mirror”. Ai e ka pranuar se për ta sjellë një vendim të tillë ka qenë e vështirë, ngase flitet për një klient me vlerë. “Megjithatë, për ne prioritare është siguria e personelit dhe e udhëtarëve”, ka thënë ky zyrtar. Nga ana tjetër, Naomi shpreson se ky konflikt me BA-në do të mund të tejkalohet. “Prej 30 vjetësh fluturon me ‘British Airways’ dhe mendoj se ky konflikt mund të zgjidhet në mënyrë miqësore”, ka deklaruar zëdhënësi i modeles.