Murphy kurorëzoi dashurinë me Tracey Edmonds

Eddie Murphy e ka nisur mbarë këtë vit. Natën më të hareshme të vitit ai e ka shfrytëzuar për t’u martuar me producenten, Tracey Edmonds.
Çifti i ka shkëmbyer unazat të martën në një ishull privat në Bora Bora, në praninë e një numri të vogël të familjarëve, miqve e shokëve, ka bërë të ditur revista People.
Murphy dhe Edmonds kanë filluar lidhjen e tyre në vjeshtën e vitit 2006, ndërsa janë fejuar në korrik të vitit të kaluar
Murphy, 46-vjeçar, ka pesë fëmijë nga martesa e tij me, Nicole Mitchell Murphy, nga e cila është divorcuar në vitin 2005. Ai po ashtu ka një vajzë nga afera e tij me këngëtaren e bendit Spice Girls, Melanie Brown.
Edmonds, 40-vjeçare, ka dy djem nga martesa e saj 13-vjeçare me këngëtarin, Kenneth "Babyface" Edmonds.