Interviste me Rrezarta Shkurten(modele dhe kengetare)

Në krahët e famës




Ka pasur mjaft fat këto kohë. Suksesi e ka shoqëruar, që nga dalja e parë në skena e çdo ditë dhe më shumë. Ky sukses është i garantuar kudo që ajo eksploron: në konkurse bukurie, në muzikë, në modë, apo edhe si imazh publicitar. E qysh me prezantimin e saj dhe suksesin në skenë u rritën edhe kërkesat për sfilita dhe publicitete. Edhe pse kohët e fundit nuk ka qenë shumë pranë botës së modës, ajo do t’i qëndrojë në një pikë besnike dashurisë së saj të parë. Dhe këtë do të bëjë nëpërmjet një agjencie mode. Por jo vetëm karriera ka ecur mirë për Rezarta Shkurtën. Dashuria e saj dhe fejesa me Ermal Hoxhën, ka ecur paralel me famën, që duket se po e ndjek kudo që ajo ecën..

Një agjenci mode... ?! E kush e kishte menduar që bukuroshja nga Durrësi, që karrierën e saj e nisi mbi pasarelë tashmë do të jetë përfaqësuese e një prej agjencive më të mëdha të modës. Pikërisht agjencia “Kosova Model”, e vetmja agjenci mode shqiptare, e cila është një filial i të famshmes “Elle”, do të ketë edhe përfaqësinë e vet në Shqipëri. Përfaqësi që do të ketë si asistente pikërisht Rezerta Shkurtën. Kjo kompani tani do të ketë mundësinë që pikërisht modelet shqiptare t’i prezantoj në kanalin më të famshëm të botës së modës Fashion TV. “Si modele vetë kam hequr dorë, edhe pse vetëm dy ditë më parë isha e pranishme në një sfilatë”. Të jetë kontradiktore Rezarta?! Absolutisht jo. Ajo ka qenë modelja ekskluzive e sfilatës së stilistes Rezarta Skifterit, por nuk është se ajo do të vazhdojë të ecë më në fushën e modës. Rrezarta tregon për “Bluetooth” se “tani e tutje do ta përdor imazhin tim vetëm për prezantimin e linjave apo reklamave të ndryshme, dhe ndoshta jo më në sfilata”. Tani modën do ta shohë në një këndvështrim të ri. Pikërisht agjencia, që ajo do të drejtojë në Shqipëri do të përzgjedhë modele shqiptare dhe të gjitha sfilatat, e organizara prej saj do të kenë mundësinë të prezantohen ekskluzivisht në Fashion TV. (Ka qenë pikërisht “Kosova Model”, që mundësoi dhe shfaqjen e sfilatës së Joni Peçit në Fashion TV). Por në këtë periudhë të rejat nga Rezarta nuk kanë të sosur.


IMAZHI I REZARTËS

Ka vetëm pak ditë që Rezarta Shkurta është shfaqur si imazh i një reklame. Pikërisht i kontraceptive Yasmin. Është përzgjedhur biondina e bukur, që ka bërë dhe një kalendar fotosh enkas për këtë reklamë. Në fakt s’është hera e parë që ajo shfaqet si imazh i një reklame. Këtë e ka bërë në Kosovë, në disa reklama, por në Shqipëri deri më tani nuk ka pranuar të përdori imazhin e saj me oferta që sipas saj kanë qenë mjaft të ulëta. “Por Yasmin, më ka paguar shumë mirë”, tregon me sinqeritet ajo. Imazhi i Rezartës është përdorur edhe në reklama të tjera në fakt. Kështu në Kosovë për dy vjet rresht ajo ka qenë imazh publicitar; një vit më parë imazh veshjesh i një firme dhe vitin që shkoi imazh i një uji. Në Shqipëri nuk është se i kanë munguar ofertat, por ato deri më tani nuk kishin përkuar me kërkesat e saj. Ajo e kishte vendosur, që nuk do ta keqpërdorte imazhin e saj pa u shpërblyer për atë që meriton. Dhe ja ka arritur qëllimit të saj. Ashtu si edhe në jetën personale, ku duket qartë që është mëse e lumtur.
“JE VETËM TI”


E menaxhon mjaft mirë kohën. Mes gjithë obligimeve të saj në skenë, ajo gjen kohën e duhur për të ndjekur studimet në universitetin “UFO”, ku vazhdon vitin e parë për Psikologji, nuk lë aspak mënjanë të fejuarin e saj Ermalin, dhe sa herë që ka oferta pune nuk tregohet neglizhente.
E me gjithë këtyre impenjime nuk ka hequr asnjë moment dorë nga kënga. Pikërisht në fund të këtij muaji në treg do të jetë albumi i parë i këngëtares Shkurta. “Je vetëm ti” është titulli i albumit, që mes këngëve të njohura dhe të reja të Rezartës do të jetë dhe një baladë, të cilën
këngëtarja e vlerëson dhe është optimiste se ka për të zënë vend menjëherë në shijet e publikut.

Në fillim u shfaq si një bukuroshe bionde, si një miss i pashpallur. Por shumë shpejt Rezarta Shkurtaj do të tregonte se synimin e kishte të shkonte shumë më
larg se kaq. Dhe ja ku është. Përsëri me një këngë dhe klip të ri, titulluar “Matura”. Në prag të promovimit të albumit të saj të parë, për të cilin sigurisht që do të bëjë shumë zhurmë. Gjë që ka treguar se di ta bëjë shumë mirë. Edhe pse mund të quhet një nga personazhet më të rinj të skenës dhe ekranin, ia ka dalë mbanë të tërheqë vëmendjen sa herë ka dashur të tregojë diçka. Jo pak herë është gjendur në faqet rozë të shtypit shqiptar, sidomos prej kohës kur u pikas se shoqërohej me nipin e Enver
Hoxhës, Ermalin. Lidhje që u kurorëzua me fejesë e bashkojetesë.
Çka do ta bënte Rezartën të ndjehej “super e lumtur”. E fakti që ato pak këngë të sajat janë shndërruar në hit-e, s’ka se si të mos e gëzojë edhe më shumë se kaq.

• A mendon se edhe kënga që ke prezantuar pak ditë më parë në klip do të bëhet hit i kësaj vere?
  

Unë shpresoj! Edhe për faktin se kam punuar 6 muaj për këtë këngë dhe falenderoj Genti Lakon për punën që ka bërë me mua. Ai punon shumë
për të nxjerrë një këngë të mirë. Edhe klipi besoj se ështëpunuar me shumë kujdes. Sa për shndërrimin e saj në hit... unë jam munduar dhe e kam bërë timen, tani është publiku ai që e ka në dorë, dhe ai do të vendosë nëse do e shndërrojë në hit apo jo këtë këngë. Por besoj se edhe për vet tekstin që ka, pra “Matura” do të jetë në qendër të vëmendjes dhe do ketë një efekt pozitiv, të paktën tek rinia shqiptare.

• Po tekstet e këngëve, kujt ja beson?
  

Përherë jua besoj kompozitorëve, por nëse ata kënë veç muzikën në kokë dhe s’dinë se kush mund të përshtasë vargjet me të, atëhere është Rozana Radi. Më pëlqen dhe për mua shkruan tekste shumë të bukura, por s’mund të le pa përmendur Aisa Barakun, pasi edhe me të do kem bashkëpunime.

• Ke pak këngë, por aq sa janë njihen si hite. Kjo pasi kanë qenë të shoqëruara edhe me klipe?
  

Jo nuk mendoj se është pikërisht kjo. Këngë, “DJ” është kënduar thjesht të “Kënga Magjike” dhe nuk ka klip, e megjithatë hyri mirë në treg. Mendoj se suksesi është shpërblimi i punës së madhe. Ka edhe diçka tjetër. Kur i dëgjoj këngët tek kompozitorët për të zgjedhur njërën prej tyre, nuk i dëgjoj sikur të jetë kënga që unë do këndoj por mendoj: a do preferoja unë që këtë këngë ta
dëgjoja apo ta kërceja, dhe kjo është mënyra më e mirë për të zgjedhur një këngë. Pra ta vesh veten në pozitat e një dëgjuesi. Shpesh kam kthyer këngë aq sa disa herë kompozitorët më kanë quajtur edhe zevzeke në zgjedhjen e këngëve. Po kjo është puna ime, për këtë lodhem dhe paguaj, dhe nëse nuk kam diçka të mirë është e kotë. Më mirë të vonohet një këngë se sa të publikohet aspak cilësore.

• Po idetë e tua, pasqyrohen në klipe apo jua lë në dorë krejt të tjerëve?
  

Patjetër që po dhe besoj se kjo ndodh me shumë këngëtarë të tjerë. Nëse dëgjon një këngë, direkt në mendje të vjen imazhi që do pëlqeje të kishe për të. Mbase më ka ndihmuar edhe fakti që unë kam studiuar për pikturë dhe njoh pak skenografinë e tekstilin, jam rritur me artin.

• Po sa i takon imazhit tënd, veshjet i përzgjedh përherë vetë?
  

Veshjet shpesh i kam ideuar vet, veç klipit të fundit ku gjithçka ja lashë në dorë Rezarta Skifterit dhe nuk kam gabuar. Pata besim të madh, dhe ky besim mu shpërblye. Por çdo njeri mundohet ta kurojë imazhin e vet dhe unë nuk bëj përjashtim.

• Po qëndrimi yt cili është për debatet e shpeshta që janë bërë për vajzat e zhveshura të klipeve?
  

Me një pjesë të shqiptarëve ndodh diçka shumë e çuditshme. Kur del Beyonce e zhveshur, askush nuk thotë asgjë, përkundrazi e pëlqejnë shumë. Kur del një shqiptare, shihet me sy kritik. Ndaj edhe gjërat duhet të shihen barazi. Nëse ne nuk bëjmë një revolucion, kush do e bëjë atëhere. Megjithatë mendoj se veshja duhet të jetë seksuale, por jo e ekzagjeruar. Duhet të ketë pak art tek veshja jote.

• Përherë performon në skenë. Ky është një qëllim më vete apo gjithçka vjen natyrshëm?
  

Vjen krejt natyrshëm. Madje kur jam në festë me miqtë e mij performoj më bukur se kur jam para kamerave nëpër klipe, apo kur jam në skenë. Kontraktohem pak por mundohem të jap maksimumin, pasi performanca vjen edhe prej këngëve që unë kam kënduar, kanë qenë ritmike të gjitha.

• Ka edhe fjalë se këngëtaret e sotme janë vetëm të bukura dhe s’kanë shumë zë?
  

Po edhe Kristina Aguilera apo Britni Spirs janë të bukura, vishen seksi, e kjo s’do të thotë se nuk kanë zë. Po përgjigjem për veten tani, dhe do e tregoj shpejt se sa zë kam. Madje kam plan që të mbaj një koncert live dhe gjithë të ardhurat do të shkojnë për bamirësi.

• Pse për bamirësi?
  

Pse jo për bamirësi! E kam menduar dhe me Ermalin që ndonjë ditë të shkojmë në shtëpinë e fëmijës për t’ju çuar diçka simbolike. Mua më vjen shumë keq për ata që nuk kanë atë që kemi ne.

• A vazhdon të ndjehesh e lumtur në bashkëjetesën me Ermalin?
  

Momentalisht jam super e lumtur. I uroj vetes të jetoj përherë me këtë lumturi që kam. Lumturua ime është falë dashurisë dhe falë Ermalit. Pasi karriere dhe ajo që të rrethon të përmbush deri diku, po nuk pate një shpirt të gëzuar, ato zbehen. Më në fund unë kam këtë diçka të bukur që më përmbush.

• Stina e nxehtë për këngëtarët përkthet shumë koncert. Po për ty?
  

Edhe unë jam çdo javë në koncerte dhe kjo gjë më gëzon shumë. Pasi ndryshe nga këngëtarët e tjerë që kanë shumë vite në skenë, unë sapo kam nxjerrë këngën e tretë, e cila nuk është lançuar ende mirë. Do jetë më shumë në treg më vonë, kur të dalë albumi, i cili besoj do jetë në treg pas 10 ditësh. Fakti që me kaq pak këngë jam nëpër shumë koncerte më lumturon dhe më tregon se puna ima nuk është anashkaluar.

• Po për pushime të gjata ti dhe Ermali a keni menduar?
  

Absolutisht po! Nuk është ndonjë gjë e madhe për mua që të heq dorë 15 ditë nga puna për t’i bërë qejfin vetes. Themi se mund të shkojmë në Turqi në fund të gushtit, por ende nuk e kemi vendosur. Po e sigurtë është që s’do na iki vera pa pushime.

Sa kohë ke që je lidhur me Ermalin?

Lidhja jonë daton 20 shtatorin e vitit 2005. Dhe pikërisht këtë shtator mbushim plot 2 vjet bashkë. Madje edhe ditën e dasmës kemi menduar që, kur ta bëjmë ta vendosim pikërisht në këtë datë.


Si ka nisur kjo histori?Ka qenë dashuri më shikim të parë?

Po ka qenë një dashuri me shikim të parë. Në fakt përpara se të takoheshim kanë qenë disa koiçidenca të çuditshme. Ndoshta ishte e parashikuar, që unë
të takohesha me atë. Kështu ndërsa unë kthehesha nga një udhëtim nga Kina në të njëjtin avion ka qenë edhe Ermali, i cili kthehej po nga Kina, ku kishte qenë për punët e tij.Më pas ka qenë një tjetër koiçidencë. Ka qenë verë unë isha ftuar për të kënduar tek “Tropikal, Venue”, në Durrës dhe Ermali gjendej aty me shokët e vet. Ai u ishte shprehur miqve të vet që “Lum ai mashkull, që e ka këtë vajzë”. Këtë gjë ma ka pohuar vetë më pas, pa e menduar se një ditë këtë vajzë do të kishte ai vetë. Dhe hera e tretë dhe vendimtarja ka qenë unë dhe ai në kryqëzim tek sheshi “Nënë Tereza”, ishim në semafor me makinë. Aty ai na ftoi për kafe. Unë kam qenë me një miken time. Pastaj u ulëm në kafe dhe ai aty po bënte interesantin, ndërkohë që sa u ndamë më çoi me telefon një mesazh.


Dhe ç’ndodhi më pas?

Ditën e dytë kemi qenë gjithë ditën bashkë. Madje unë kam qenë tek parukieria në Durrës dhe ai nuk ka pritur, po unë kam dalë me flokë të lagura (qesh). Ndërsa ditën e tretë jemi nisur për një udhëtim në Pogrades, ku ka qenë një ditë e mrekullueshme.

Çfarë të pëlqen më shumë tek Ermali?

Në karakterin e tij vlerësoj shumë qetësinë e tij. Mënyrën sesi ai i zgjidh çështjet e tij. Unë jam mjaft impulsive si natyrë, ndërsa Ermali është mjaft i i qetë, kështu që ekuilibrohemi së bashku. Po Ermali mbi të gjitha është një njeri shumë i zgjuar. Dhe që unë e kisha ëndërr të kisha një njeri të tillë në krah. E them me mjaft sinqeritet, që jam me fat, që unë e kam atë në krah. Ndërsa në paraqitjen fizike më pëlqen shumë trupi i tij, i gjatë dhe pak i mbushur. Është pikërisht ashtu si unë e kisha menduar mashkullin, që do të kisha një ditë në krah.

Cilat janë veset e tij nëse ka, që ti nuk i duron dot?

Në fakt nuk mund të them për vese. Ermali nevrikoset shumë rrallë. Ndërkohë që Unë jam mjaft impulsive si natyrë, ndërsa Ermali është mjaft i i qetë, kështu që ekuilibrohemi së bashku unë nevrikosem shpejt dhe shpesh. Por kur nevrikoset Ermali reagon shumë ashpër. Nuk është e thënë që të nevrikoset me mua (qesh), por për punë dhe çështje të ndryshme për shembull. Unë e di këtë gjë dhe e lë të qetësohet, sepse e di që shumë shpejt do t’i bien nervat.


Po Ermali çfarë pëlqen tek ty? Sa orë në ditë rrini me njëri-tjetrin?

Më mirë mund të them, që orët që na ndajnë janë nga mëngjesi deri në orën 4kur edhe Ermali mbaron punën dhe pastaj nuk ndahemi për asnjë moment nga njëri-tjetri.


Të shoqëron Eramli në punët e tua dhe koncertet që ke?

Po në të gjitha koncertet. Është gjithmonë me mua. Edhe këtë të hënë unë do të jem në Vlorë dhe Ermali do të vij dhe do të jemi bashkë.

A është xheloz ai?

Unë nuk i lë shkak asnjëherë që ai të bëhet xheloz. Megjithatë po u tregoj një të vërtetë. Mua më pëlqen të bëj lojëra dhe e provokoj. Një herë bleva një numër tjetër telefoni dhe i çoja mesazhe numrit tim, që ishte në dhomën, ku Në fakt për këtë gjë duhet të pyesni Ermalin. Megjithatë një gjë që unë e di dhe që ma thotë është se Ermali pëlqen shumë sinqetitetin tek unë. Në fakt këtë veti e kam me çdo njeri edhe me shoqërinë dhe familjen, jo vetëm me Ermalin.


Po në paraqitjen tënde?

Uroj që gjithçka… (qesh)


Dhe çfarë nuk pëlqen?

Uroj, që të mos ketë asnjë gjë… (qesh)

A i bëni surpriza njëritjetrit?

Po shumë madje. Në fakt unë bëj më shumë. Unë bëj për shembull pesë surpriza, Ermali një. Por Ermali i ka surprizat në lidhje me plane, për shembull, udhëtime, festa surprizë, etj. Kurse unë i kam të natyrës së arredimit këndshëm të shtëpisë, me qirinj, lule, toretë, tej.


Cila surprizë ka qenë më e bukura?

Gjëja më e bukur dhe e papritur për mua nga Ermali ka qenë në kohën, kur secili nga ne jetonte në shtëpinë e vet dhe Ermali më jep si dhuratë unazën, që unë mbaj në gisht sot, dhe më kërkoi të jetonim bashkë. ishte Ermali. Ai u bë xheloz sigurisht. Po në fakt ka një xhelozi të bukur, një mërzitje që mua më bën për të qeshur. Ndërsa kur dikush më shikon ai bëhet edhe më i afërt me mua.

Po ti?

Unë? Jam xheloze e tmerrshme.


Meqë përmendët vëllain e Ermalit, si i keni marrëdhëniet me familjen e tij.

Ermali ka dy vëllezër, me të cilët shkoj shumë mirë. Megjithatë mund të them se me vëllain e vogël të tij kam më shumë afrimitet, madje e kam mik. Kjo ndoshta për faktin se jemi edhe në të njëjtën moshë.

Ku jetoni tani?

Jetojmë tek një apartament tek “Dëshmorët e Lirisë”, qysh prej 10 muajsh.
Kemi në plan në fakt të bëjmë një shtëpi më të madhe, por kjo do të realizohet pak para se ne të martohemi.


Cilat janë projektet e verës, ku po i kaloni pushimet?

Në fakt pushimet i kemi bërë pak e nga pak. Përgjithësisht kemi lëvizur çdo fundjavë në vende të ndryshme. Kështu kemi qenë në Budva, (Mal i Zi), në Kosovë, Maqedoni. Pastaj në Shqipëri kemi lëvizur në Sarandë, Vlorë, Durrës, Shëngjin. Madje në Shëngjin jemi kënaqur shumë, pasi kemi qenë për peshkim. Të dy edhe unë edhe Ermali e kemi shumë qejf peshkimin. Por Ermali nevrikoset shpesh kur jemi për peshk, pasi unë jam me me fat dhe zë më
shumë peshq se ai. Për peshkim kemi qenë edhe më vëllain e vogël të Ermalit dhe jemi kënaqur shumë.

Në ditët e para të vitit 2008, shumë prej njerëzve kanë tashmë të përcaktuara qëllimet dhe pikësynimet ku duan të arrijnë. Rezarta Shkurta është një prej tyre.



Edhe pse sapo ka kaluar të 20-at dhe ende studente, ajo ka nisur të mendojë seriozisht për të krijuar familjen. Sigurisht së bashku me Ermalin, me të cilin bashkëjeton prej disa kohësh. Meqë jemi në ditët e para të vitit të ri, doja të të pyesja për natën e ndërrimit të viteve… Mbrëmjen e Vitit të Ri e festuam në Maqedoni, ku unë isha e ftuar për dy net në “Golden gate”, një nga diskotekat më të mëdha atje. Isha për koncert, por edhe festuam njëkohësisht, së bashku me Ermalin dhe kolegët e mi Genta Ismajli e Labinot Tahiri. Megjithatë e kemi lënë, që në një fundjavë të afërt të ikim në Mavrov, për të festuar vetëm ne të dy.


Duke iu rikthyer vitit që lamë pas, cilat kanë qenë për ty momentet më të suksesshme?
Ka pasur shumë dhe nuk e di nëse do i mbaj mend të gjitha. Por një prej realizimeve të mia, ka qenë edhe dalja e albumit, një ëndërr, që më në fund e arrita dhe kjo i përkiste vitit 2007. Po kështu edhe pjesëmarrja dhe çmimi në festivalin “Kënga magjike” kanë qenë domethënëse.
Ndërkohë, çfarë projektesh, të afërta apo të largëta, ka Rezarta për vitin 2008?
Kam shumë projekte që lidhen kryesisht me muzikën, por do të veçoja këtu daljen e klipeve të reja dhe veçanërisht pjesëmarrjen në “Top Fest”.
Do të presim edhe aty surpriza në performancat e tua. Mund të na zbulosh diçka më shumë…Do të ketë shumë surpriza, gjë që më detyron të mos zbuloj dot shumë. Por mund të them se autorët e këngës sime janë Aida BAraku dhe Armend Rexhepagiçi.
Kur flasim për muzikën duket se lemë mënjanë një pjesë tjetër të profesionit tënd, modën. Në një prej forumeve në internet je zgjedhur modelja e vitit. Por ti duket sikur ke hequr dorë nga kjo fushë…
Absolutisht nuk kam hequr dorë. Ajo ishte shkalla ime e parë drejt suksesit, kështu që do të vazhdoj, por sigurisht do të ketë përzgjedhje në evenimentet, ku marr pjesë. Nëse do të jenë të rëndësishme, pse jo.
Po me shkollën, si po ecën Rezarta?
Fatkeqësisht profesioni që kam, të detyron ndonjëherë që të kesh mangësi dhe mungesa. Megjithatë mundohem, që të barazohem në një farë mënyre me miqtë e mi, që janë të së njëjtës degë duke marrë informacione jashtë orarit të shkollës, për mësimet e munguara.
Përveç anës profesionale, në jetën private a priten të reja gjatë vitit 2008?
Them, që martesa do të jetë një surprizë e vitit 2008.
Eshtë një vendim që tashmë është marrë nga ty dhe Ermali?
(Qesh) Po. Propozimi vjen nga Ermali dhe unë pranoj.
E keni vendosur tashmë edhe datën e dasmës?
Po për detajet a ka menduar Rezarta?
Kam një jetë që mendoj për detajet. Çdo femër e mendon ditën e dasmës, kështu që edhe unë e kam menduar deri në detajet më të vogla.
Ke imagjinuar një dasmë të madhe?
Jo. Një ceremoni intime, por e këndshme.
Do të na zbulosh diçka më shumë?
Është ende herët.
Ku do t’i marrësh fustanet e bardhë?
Them se do t’i stiloj.
Si e ke imagjinuar veten nuse?
Një nuse relativisht e thjeshtë. Do kem fustane komode, që të kërcej sa të kem mundësi.
Përderisa po mendoni martesën, do të thotë që gjithçka shkon mirë me bashkëjetesën?
Po, bashkëjetesa jonë po shkon më së miri. Është bërë normale tani.
Ke njohur anë të reja të Ermalit falë bashkëjetesës, apo është ai që ka qenë?
Është ai që unë kam njohur dhe kam dashuruar që në fillim. Bashkëjetesa e ka bërë edhe më të fortë lidhjen tonë, por besoj se edhe mua më ka rritur.
Grindeni?
Nuk besoj se ka çift në botë pa konflikte. Edhe ne kemi konfliktet tona, por që janë të padëmshme dhe përfundojnë në puthje.
Kur grindeni kush është ai, që ulet i pari?
Fatkeqësisht unë. (qesh)
Je tolerante domethënë?
Edhe nëse jam kokëfortë, Ermali është pak më shumë se unë.
Je xheloze?
(qesh) Po. Dhe kjo sepse Ermali është mashkulli më i bukur, që kam parë në jetën time.
Në skenë je vajza e surprizave. Po në dashuri ke bërë çmenduri?
Në fakt bashkëjetesa ime me Ermalin, ka ardhur pas një lidhjeje shumë të shkurtër. Edhe kjo është një çmenduri më vete. Të gjitha raportet tona kanë qenë të shpejta e të paplanifikuara. Kjo e ka bërë në një farë mënyre të çmendur dhe të bukur marrëdhënien tonë.
Je një këngëtare që shpenzon për pamjen dhe skenën. Të mbështet Ermali në sigurimin e parave, apo e siguron gjithçka vetë?
Profesioni im është sa i bukur, i vështirë edhe fitimprurës. Ndoshta nuk është mirë të thuhet, por unë kam një profesion në të cilin fitohet, po aq sa edhe shpenzohet. Në momentin që unë fitoj, kam mundësi të shpenzoj, por edhe të kem diçka për veten. Plus që karrierën time e kam nisur ende pa e njohur Ermalin. Kështu, që tani kam arritur në një moment, ku nuk e ndiej nevojën e mbështetjes nga ana financiare.