Williams vizitohet nga jashtëtokësorët?

Në një intervistë të fundit, këngëtari britanik Robbie Williams ka thënë se do ta shkelmonte karrierën e tij muzikore për t’u bërë hulumtues i jashtëtokësorëve.
Ylli i këngës “Angels” ishte intervistuar nga këngëtarja e muzikës soul, Joss Stone, për një show në një radio britanike.
“Seriozisht, dua të dal dhe t’i hulumtoj këto gjëra. Do të ndaloja të jem një yll i muzikës pop dhe të bëhem një studiues i pjatave fluturuese”, ka thënë këngëtari. Williams ka thënë po ashtu se ai është vizituar nga jashtëtokësoret së paku në tre raste.
“Njerëzit do të mendojnë, ‘Ky plakush ka qenë në rehabilitim, është krejt jashtë mendve’. Kush e di sa të çmendur do të më bëjnë tash”, ka thënë 34-vjeçari.